Paralajmërohet protestë për lirimin e ish-policit Arbnor Spahiu

12:06 | 12 Qershor 2025
E.K

Të dielën në fshatin Muçivërc do të mbahet një protestë për të kërkuar lirimin e ish-policit Arbnor Spahiu, i cili u arrestua nga autoritetet serbe dhe po mbahet në paraburgim për një muaj nën akuzën për pjesëmarrje në njësitin policor gjatë sulmit në Banjskë.

Organizatorët e protestës kanë bërë thirrje për pjesëmarrje nga qytetarët dhe kanë ftuar të gjithë deputetët e Kuvendit të Kosovës, si dhe përfaqësuesit lokalë, që të bashkohen.

“Ju ftoj që të na bashkoheni me datën 15.06.2025, ditën e dielë që të jeni prezent në protestën e organizuar për lirim sa më të shpejtë për Arbnorin. Poashtu ftojmë të gjithë deputetët e Kosovës, pa dallime partiake të na bashkohen, po ashtu asamblistët e Komunës tonë që ta ngrisim zërin për këtë padrejtësi”, thuhet në njoftim./Arbresh.info